ഈ സൂചനകളെ അവഗണിക്കരുതേ, ചിലപ്പോൾ വൃക്കരോഗത്തിന്റെ ലക്ഷണങ്ങളാകാം

നമ്മുടെ പുറമേയുള്ള ശരീരഭാഗത്തിന് കൊടുക്കുന്ന ശ്രദ്ധയും പരിപാലനവും നമ്മുടെ ശരീരത്തിന്റെ ഉൾഭാഗങ്ങൾക്ക് നാം കൊടുക്കാറുണ്ടോ? ഇതിനെപ്പറ്റി നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ?

നമ്മളിൽ ഭൂരിഭാഗം പേരും 'ഇല്ല' എന്നായിരിക്കും ഉത്തരം പറയുക. നമ്മുടെ ശരീരത്തിന്റെ ശരിയായ പ്രവർത്തനങ്ങൾക്കും ആരോഗ്യത്തിനും ഏറ്റവും കൂടുതൽ നാം ശ്രദ്ധിക്കേണ്ടത് യഥാർത്ഥത്തിൽ നമ്മൾ കാണാത്ത നമ്മുടെ ശരീരത്തിന്റെ ഉൾഭാഗത്തെയാണ്.

തെറ്റായ ജീവിതശൈലിയുടെ ദുരിതങ്ങൾ

നമ്മുടെ ഇത്തരം തെറ്റായ പ്രവർത്തനങ്ങളിലൂടെ യഥാർത്ഥത്തിൽ നമ്മുടെ ആരോഗ്യമാണ് ഇല്ലാതെ ആയിപ്പോകുന്നത്. തെറ്റായ ജീവിതശൈലികളും, കിട്ടുന്നതെല്ലാം വാരി വിരിച്ചു തിന്നുന്നതും, ലഹരിവസ്തുക്കളുടെ ഉപയോഗവും, അമിതമായ രാസ മരുന്നുകളുടെ ഉപയോഗവുമെല്ലാം ശരീരത്തിന് വളരെയധികം ദോഷങ്ങൾ ഉണ്ടാക്കുന്നു.

ആരോഗ്യപ്രശ്നങ്ങൾ സൂചിപ്പിക്കുന്ന ലക്ഷണങ്ങൾ

നമ്മുടെ ആരോഗ്യകാര്യങ്ങളിൽ എന്തെങ്കിലും വ്യത്യാസങ്ങളോ പ്രശ്നങ്ങളോ സംഭവിച്ചാൽ അതിനെ സൂചിപ്പിക്കാൻ ശരീരം തന്നെ വിവിധ ലക്ഷണങ്ങൾ പ്രകടിപ്പിക്കാറുണ്ട്. എന്നാൽ പലപ്പോഴും ഈ ലക്ഷണങ്ങൾ നാം ശ്രദ്ധിക്കാതെ പോവുകയോ പ്രശ്നം തിരിച്ചറിയാതെ പോവുകയോ ചെയ്യുന്നതാണ് പതിവ്.

വൃക്കകൾ അപകടത്തിലാണ് എന്ന സൂചനകൾ

ഇത്തരത്തിൽ വൃക്കകൾ അപകടത്തിലാണ്, സമയബന്ധിതമായ ശ്രദ്ധ - മെഡിക്കൽ കെയർ ആവശ്യമാണ് എന്ന് സൂചിപ്പിക്കുന്ന ചില ലക്ഷണങ്ങളെ കുറിച്ചാണ് ഇനി പങ്കുവയ്ക്കുന്നത്.

വൃക്കരോഗങ്ങളുടെ വെല്ലുവിളി

പൊതുവിൽ വൃക്കരോഗങ്ങളുടെ ഒരു വെല്ലുവിളി എന്തെന്നാൽ ഇത് പ്രാരംഭഘട്ടത്തിൽ കൃത്യമായ ലക്ഷണങ്ങളെ കാണിക്കില്ല എന്നതാണ്. അതിനാൽ തന്നെ 'സൈലന്റ് കില്ലർ' അഥവാ നിശബ്ദ ഘാതകൻ എന്നും വൃക്കരോഗങ്ങളെ വിശേഷിപ്പിക്കാറുണ്ട്.

എങ്കിലും രോഗം കൂടിവരുന്നതിന് അനുസരിച്ച് തീർച്ചയായും ശരീരം ലക്ഷണങ്ങൾ കാണിക്കും. വിശപ്പില്ലായ്മ, ശരീരഭാരം കുറയൽ, കാൽവണ്ണയിലോ പാദങ്ങളിലോ കൈകളിലോ എല്ലാം നീർ തുടങ്ങിയ ലക്ഷണങ്ങളാണ് വൃക്ക അപകടത്തിലാണെന്നതിന് തെളിവായി വരുന്നത്.

മൂത്രനാളിയിലെ തകരാർ

മൂത്രനാളിയിലെ തകരാർ സൂചിപ്പിക്കുന്ന ആദ്യത്തേതും പ്രധാനവുമായ അടയാളം മൂത്രമൊഴിക്കുന്നതിന്റെ പാറ്റേണിലെ മാറ്റമാണ്.

• രാത്രിയിൽ ഇടയ്ക്കിടെ മൂത്രമൊഴിക്കുക
• മൂത്രത്തിന്റെ നിറം കടും മഞ്ഞയോ ചുവപ്പോ ആയി മാറുക
• പതിവിലും കൂടുതലോ കുറവോ മൂത്രമൊഴിക്കുക
• യഥാർത്ഥത്തിൽ കഴിയാതെ മൂത്രമൊഴിക്കണമെന്ന തോന്നൽ

ഇത് നിങ്ങളുടെ വൃക്ക അപകടത്തിലാണെന്നതിന്റെ ആദ്യ ലക്ഷണങ്ങൾ ആണ്.

മൂത്രമൊഴിക്കുമ്പോൾ അസ്വസ്ഥതകൾ

• മൂത്രമൊഴിക്കുമ്പോൾ വേദനയോ കത്തുന്ന വേദനയോ പോലുള്ള കടുത്ത അസ്വസ്ഥതകൾ
• നിറവ്യത്യാസവും, നുരയും, മേഘാവൃതവുമായ മൂത്രം
• രക്തത്തിന്റെ പാട്ടുകൾ അല്ലെങ്കിൽ മൂത്രത്തിൽ രക്തം കട്ടപിടിക്കുന്നത്

ശരീരവിയർച്ചകൾ

വൃക്കകളുടെ പ്രാഥമിക പ്രവർത്തനം അണുബാധയുണ്ടാകുമ്പോൾ തകരാറിലാകുന്നു. ഇത് പല ശരീര കോശങ്ങളിലും വിഷാംശം, അധിക ജലം, ഉപ്പ് എന്നിവയുടെ രൂപീകരണത്തിലേക്ക് നയിക്കുന്നു. ആത്യന്തികമായി, കണങ്കാൽ, കാലുകൾ, കൈകൾ, മുഖം, കാലുകൾ എന്നിവയെല്ലാം വീർക്കുന്നതായി മാറുന്നു.

ശ്വാസതടസ്സം

ശ്വാസതടസവും വൃക്കരോഗങ്ങൾ പഴകുന്നതിന്റെ ഭാഗമായി വരാവുന്നൊരു പ്രശ്നമാണ്. വൃക്കകളുടെ പ്രവർത്തനം അവതാളത്തിലാകുന്നതോടെ ശരീരത്തിൽ വെള്ളം കെട്ടിനിൽക്കുന്ന അവസ്ഥയുണ്ടാകുന്നു. ഇതിലൂടെ ഇലക്ട്രോലൈറ്റുകളും കെട്ടിക്കിടക്കുന്നു. ഇത് ശ്വാസതടസം സൃഷ്ടിക്കുന്നു.

ക്ഷീണം

വൃക്കയുടെ പ്രവർത്തനം മന്ദഗതിയിലാവുകയോ ഭാഗികമായി തടസപ്പെടുക തന്നെയോ ചെയ്യുമ്പോൾ ശരീരം അതിജീവിക്കാൻ ഒരുപാട് ശ്രമിക്കുന്നു. ഇതോടെ കാര്യമായ ക്ഷീണം നാം അനുഭവിക്കാം. എന്നാൽ ക്ഷീണം നേരിടുന്നതിനൊപ്പം തന്നെ മറ്റു ലക്ഷണങ്ങൾ കൂടി കണ്ടാലേ വൃക്കരോഗം സംശയിക്കേണ്ടത്.

മറ്റ് ലക്ഷണങ്ങൾ

• മൂത്രത്തിൽ രക്തം
• തലവേദന

എന്തായാലും ഈ പരാമർശിച്ച ലക്ഷണങ്ങൾ കാണുന്നപക്ഷം ഉടൻ തന്നെ ആശുപത്രിയിലെത്തി പരിശോധന നടത്തുകയാണ് ആദ്യം വേണ്ടത്.

നിർദ്ദേശം

പ്രമേഹം, ബിപി (രക്തസമ്മർദ്ദം) പോലുള്ള ജീവിതശൈലീരോഗങ്ങളുള്ള മരുന്നുകൾ കഴിച്ചുകൊണ്ടിരിക്കുന്ന രോഗികൾ വൃക്കരോഗങ്ങളുടെ കാര്യത്തിലും കൂടുതൽ ജാഗ്രത പുലർത്തേണ്ടതാണ്. വർഷത്തിലൊരിക്കലെങ്കിലും വൃക്കയുടെ ആരോഗ്യം ഉറപ്പിക്കാൻ പരിശോധന നടത്തുന്നത് നല്ലതാണ്.

ശ്രദ്ധിക്കുക: അറിവിനെ ജനകീയമാക്കുക എന്ന ലക്ഷ്യം മാത്രമാണ് ഈ പോസ്റ്റിന് ഉള്ളത്. രോഗനിർണ്ണയത്തിനും ചികിത്സയ്ക്കും പകരമാകാൻ ഉദ്ദേശിച്ചുള്ളതല്ല. കൃതഹസ്തരായ ചികിത്സകരുടെ ഉപദേശപ്രകാരം മാത്രം ഔഷധങ്ങൾ ഉപയോഗിക്കുക. കൂടുതൽ പഠനം നടത്തി നല്ലത് മാത്രം സ്വീകരിക്കുക.